<BLOCKQUOTE class="postcontent restore">
(للحوراء زينب عليها ألسلام)
جيتچ يبت حيدر علي خليني أفك أحزاني
حملي ثكَل ما ينكَل حيل ألـــوكت وازاني
____________
حملي ثكَل ما ينحمل وأمتوني طاحت منه
ألعون من جدچ ردت يفزعلي يوم ألمحنه
لربي أرد أنــذر نـــذر ولكَبـرچ أنــه أتعنه
نذري لطشه بحضرتچ واعزم هلي وجيراني
____________
وازاني وكتي وما رحم يازينب أبدن حالي
حالي مثل حال ألغركَــ ذاك ووكَع من چالي
رايد يزينب فزعتــچ يرتاح هلبــــــت بالي
غركَان وبعيد ألجرف هچـّــي ألوكت خلاني
____________
من ألباب لزحفلچ زحف وأوصل لعـد أعتابچ
أتعنه أزورن حضرتچ أوصل وأصلي اببابچ
أمـّشي عليچ ألمصطفى وبجاه بطــن ألجابچ
أدعيلي ربي أبحوبتچ مـن وكتي حيل معاني
_____________
ما ريد مال ولا ذهب ما ريد قصــــر ألعالي
رايـد رضا ألله والنبي ورايــــد سترأحوالي
هـــــذا ألأريده بطلبتي وهـــاذي كــل أمالي
كَاعـــد أظل بحضرتچ أنطــــر يغاتي متاني.
</BLOCKQUOTE>
الرئيسية 
