ابقى احبــــــــــك

شبسرعة نسيت العشرة وياي


وفجأة راحت كل محبتك


كضيت العمر كلة اتانيك


وفاركت الحزن من يوم شفتك


هسة تريد ترحل وتعوفني رماد


مو جانت ايدي التمسح دمعتك


يا وسفة انتهت قصتي وياك


راح تروح مني حتى تفتك


بس من ياقصة تفتك من الاحلام


لو من لمست ايدي البيهة لمستك


انا صرت ماضي وكل حاضري احزان


ولك حتى بصحوتي شكد حلمتك


شنو سبب بعدك بس انطق وكول


امتاني الحجي وطالت سكتك


هل من قصور وياك سويت


لو نزوة ولعب صارت محبتك


انا ابحر شوكي غركتك بشوك


ولجروف المحبة بلهفة جبتك


اريد احجي كلمة اخيرة وياك


حتى لوتكرهني هم احبك وشما تنساني تبقى ذكرتك.......