غزل مو طبيعي!بقلم الشاعر الكبير حسين الساعدي

كَالولي


كالولي عَنك ذهب
وِمطَعم ابألماس

وانبهر بيك العجب
دَوخت كل الناس

لمن تمر بالدرب
ينراد الك حراس

يعلنها ثورة الشعب
وأشكَد بشر تنداس

من عاينت عن قرب
طولك يغصن الياس

شفتك ابلحظة شُرب
ذَوبت حتى الكاس

ظِلموك وبيا ذَنب
قَللوا بالمقياس!!

مادروا نَبعك عَذب
مثل الورد حساس

وك أنتَ اية عَجَب
وبكل وقت تنباس

نور إوشرارة لَهب
من الجدم للراس

ياخلطة من الرِطَب
للعسل أنتَ الساس

والوصفوك اِبذهب
ظِلموك والعباس
ظِلموك والعباس

بقلم
حسين الساعدي