علاء المدريدي
مشرف عام
4
الموقع : بلبيت
 | موضوع: Icon33 من قاموس حجيك الغي آنه اهواك  الثلاثاء فبراير 28, 2012 7:17 pm | |
|
على افراكك امس دمعاتي خضرن شيب
واختنكت صفنتي ابعيني من جافيت
جزاك الله جرحاً ماجــــــزاك الخير
يل مو ملح شامت عالجرح مشيت
ابداعت كل وعد كلته وخلفت وياي
بدوني شلون عايش ادري مامليت ؟
أنه دمعي ابغيابك شلع الحيطان
ربك ذكرت اسمك جا شلعت البيت
جنت اعذيبي يمي اشحولك دخان
فكر ريتي اختنك دز شهكتك ياريت
موكتلي الرمح اطباعه مال اسلام
فرشت اجروحي كعبه شبيك ماحجيت
امانة الله هجرك وفة بالطعنــــــات
مادليتة جرحي وصاحلي اندليت
الك دزيت صورة وآنه الك ممنون
مو وجهك الضهرك صورة مادزيت
حركت سنيني وادري سنيني محتركات
مو شغلة وفاء النفطك اشتـــــاقيت
ماذلاني اكلهم من تركني وراح
بس بيناتنه اشكد بعدك انذليـــت
بلكت.. واليمر.. والهسه راح ايعود
ريحة ( مايرد) بيهن امس شميت
وابشرك مابجيت الوحدي ضل وياي
يبجي حسين نعمه من اسمعت رديت
جنت ابجي عليك وايدي بين ايديك
الشهادة لألله هسه ابهجرك ارتاحيت
ولأن اخذوك مني وطشرو فوكاك
عزرائيل اشوفة بطشت الجكليت
ابغيابك دست واحد انتة بي ( موجود)
اشلون انطاك كلبك لمن انداسيت
جنت متنام هسه اشعلماك اتنام ؟
بلا متكلي عمري ابداعتي اتعشيت ؟
مو لازم تمر دز جم جرح مرسال
ضوجه .. اتلهة بيهن .. وحدي اذا ماجيت
تستعمل جنت صح بس قساوة وياي
لكن من رحت ياخي الهه فد حنيت ..
اسأل بوستك عن عيني يوم اجفاك
وحكهه وروح ( وعدك ) دمعة مابقيت
من قاموس حجيك الغي آنه اهواك
مو بس كلبي خلص .. خلص الباكيت
| |
|
