من ذاك الوكت ماغبت عن البال

من ذاك الوكت ماغبت عن البال



مو بيدي العشكَـ يسري بحنايا الروح

ومن شفتك حبيب الروح سميتك

ومو سكتة ودفن حبيتك وخجلان

كل الناس تدري بيوم حبيتك

بس تبقة لغز ماتنكشف للغير

يروحي الروح روح الروح ضميتك

ضميتك واغار من الهوا يحاجيك

ومن كد ماغرت مايوم حاجيتك

يانسمة هوا شمدريني راح اهواك

كلت مثل الهوا وماادري شميتك

من ذاك الوكت ماغبت عن البال

الكلب بسمك تسجل وانحسب بيتك

يانبعة ورد مابيك ذرة شوك

ناعم يزهي لونك والعطر صيتك

فصلت البشر سويتهم تمثال

وانت الروح بالتمثال خليتك

يانهر العشك ياسلم الافراح

عطشان وحزين و واكع وجيتك

رايد كلمة منك موكلام هوااي

واذا انت تريد الروح لبيتك

بس كلمة احبك كافي عاد ارجوك

حتى لوبالجذب بس كول حبيتك.



راقـــ ليـــ